"Barselona" çempion

 İspaniyanın “Barselona” klubu İngiltərənin “Mançestr Yunayted” komandasına 2:0 hesabı ilə qalib gəlməklə futbol üzrə Çempionlar Liqasının qalibi olub. Romada keçirilən görüşün əvvəlindən Xosep Qvardiolanın yetirmələri ser Aleks Fergüsonun komandasından daha maraqlı təsir bağışlayıblar. İspanlar rəqibə hücum xarakterli oyun oynamağı təklif etsələr də, İngiltərə çempionu buna hazır olmadığını nümayiş etdirib. Britaniyalılar görüşə fəal başlasalar da, rəqibin ilk hücumu nəticə verib. “Barselona”nın kamerunlu hücumçusu Samuel Eto 10-cu dəqiqədə “Mançestr Yunayet”in cərimə meydançpasına daxil olub və topu serbiyalı Neman Vidiçin ayaqları arasında keçirdikdən sonra dəqiq zərbə ilə hesabı açıb. İlk qoldan sonra İspaniya klubu oyuna nəzarəti ələ alıb. Oyunun ikinci hissəsində də vəziyyət dəyişməyib və “Barselona” üstünlüyü əldən verməyib. 70-ci dəqiqədə ispanlar Messinin başla vurdubu qolla hesabda irəli çıxıblar.Aleks Fergüson ikinci hissədə daha iki hücumçunu-Karlos Teves və Dimitar Berbatovu meydançaya buraxsa da, bu dəyişikliklər də ümidləri doğrultmayıb. Beləliklə, oyun İspaniya klubunun 2:0 hesablı qələbəsi ilə başa çatıb. /ANS PRESS/