Ukraynalılar İstanbulda keçirilən oyunda Almaniyanın “Verder” klubuna 2:1 hesabı ilə qalib gəliblər. UEFA Kubokunun tarixində sonuncu final oyunu Ukraynanın “Şaxtyor” və Almaniyanın  “Verder” klubları arasında keçirilib. İstanbuldakı qarşılaşmada hesabı Ukrayna komandası açıb. Oyunun 25-ci dəqiqəsidə “Şaxtyor”un braziliyalı legioneri Luis Adriano qola müəlliflik edib. Bundan cəmi 10 dəqiqə sonra “Verder”in braziliyalı müdafiəçisi Naldo hesabı bərabərləşdirib. Birindi hissə bu hesabla başa çatıb.Oyunun ikinci hissəsində də tərəflər qalibi müəyyənləşdirə bilməyib və əlavə vaxt oynanılıb. Oyunun 96-cı dəqiqəsində “Şaxtyor”un daha bir braziliyalı legioneri Cadson komandasını hesabda irəli çıxarıb-2:1. Bununla da “Şaxtyor” UEFA Kuboku turnirinin sonuncu qalibi olub. Çünki bundan sonra turnir Avropa Liqası adlanacaq. /ANS PRESS/