Bakı dünyanın ən çirkli şəhəri elan edilib

Bakı dünyanın ən çirkli şəhəri elan edilib

Mercer Human Resource beynəlxalq konsaltinq firmasının gəldiyi nəticəyə görə, Bakı suyun aşağı keyfiyyəti, neft gölməçələri, eləcə də havanın çirklənməsi dərəcəsinə görə ən pis nəticə göstərən şəhərdir

Bakı dünyanın 215 meqalopolisi arasında ən çirkli şəhər elan edilib. Bu barədə nəticəyə Mercer Human Resource beynəlxalq konsaltinq firması gəlib. Təşkilat suyun aşağı keyfiyyəti, neft gölməçələri, eləcə də havanın çirklənməsi dərəcəsinə görə ən pis nəticə göstərən şəhərdir. Mütəxəssislərin fikrincə, Bakıda havanın çirklənməsi neft hasilatı ilə bağlıdır və həyat üçün real təhlükə yaradır. Martın sonlarında yekunlaşan araşdırmalara görə, Bakının atmosferini çirkləndirən əsas komponentlər bərk cismlər (toz), karbon dioksidləri və s.dir.
Azərbaycan ekooloqları isə bildirir ki, havanın bu qədər çox çirklənməsinə səbəb atmosferə zərərli maddələrin və avtomobillərdən işlənmiş qazın buraxılmasıdır. Buraya milyonlarla ton tullantıları, Abşeron yarımdası üzərində ozon qatının vəziyyətinin pisləşməsi, istehsal müəssisələri tərəfindən havaya karbon qazının buraxılmasını da əlavə etmək lazımdır.
Xatırldaq ki, ötən ilin sentyabrında "Time" jurnalı çirklənmiş şəhərlərlə bağlı məlumat dərc etmişdi. Dünyanın onlarla institutunun mütəxəssisləri tərəfindən hazırlanmış siyahıda Sumqayıt dünyanın ən çirkli şəhərləri arasında 9-cu yeri tutmuşdu. /ANSPRESS/