Siyəzəndə 6 ayaqlı buzov dünyaya gəlib

Baytar həkimlər bu qənaətdədir ki, buzov düzgün mayalanmayan əkizlərdən biridir

Siyəzən rayonunun Eynibulaq kəndində bəlkə də Azərbaycanda analoqu olmayan hadisə baş verib. Bayramovların ailəsinin təsərrüfatında 6 ayaqlı inək balası dünyaya gəlib. Adətən bu cür heyvanlar fiziki cəhətdən zəif doğulsa da, bu buzov tam sağlamdır. Hərəkətində və qida qəbulunda heç bir problemi olmayan 6 ayaqı buzovun iki quyruğu var. Təsərrüfat sahibi Sərdar Bayramov bildirib ki, Eynibulaq kəndində bu hadisənin eyni olan ikinci bir hadisəyə rast gəlinməyib.

Yeni doğulan buzova baxış keçirən baytar həkimlər bu qənaətdədir ki, buzov düzgün mayalanmayan əkizlərdən biridir. Əlavə iki ayaq və quyruq da məhs həmin əkizin bir hissəsidir. Amma baytar həkimlər bu qənaətdədirlər ki, əlavə hissənin balanın normal yaşamasına heç bir mənfi təsiri olmayacaq. Buzovu anası qəbul etmir. /ANS PRESS/