İslam dinini təhqir edən film nümayiş edilməyəcək

Filmin nümayiş ediləcəyi internet saytının fəaliyyəti dayandırılıb

Hollandiyada irqçi millət vəkili Qirt Vildersin İslam dinini təhqir edən 15 dəqiqəlik “Fitnə” filminin nümayiş ediləcəyi internet saytın fəaliyyəti dayandırılıb. Saytı şəbəkə ilə təmin edən amerikalı provayder film barədə çoxlu şikayətlər gəldiyini və bu şikayətləri nəzərə alaraq saytın fəaliyyətini dayandırdıqlarını bildirib.

Xatırladaq ki, Vilders "Fitnə" filmini nümayiş etmək üçün Hollandiyadakı telekanallarla danışıqlar aparmasına baxmayaraq, razılıq əldə edə bilməməişdi. Bundan sonra isə, millət vəkili sənədli filmi internet vasitəsilə yayınlamağa qərar vermişdi. /ANSPRESS/