6 min funtluq “uçan üzük”

6 min funtluq “uçan üzük”

Londondan olan Lefkos Hacci öz nişanlısına hədiyyə edəcəyi bahalı üzüyü qəribə şəkildə itirib. Hacci dostundan 6 min funt sterlinq dəyəri olan üzüyü heliumla doldurulmuş gümüşü hava şarında gizlətməyi xahiş edib. Görüşə gələn bəy şarı partladıb üzuyü nişanlısına təntənəli şəkildə təqdim etməyi planlaşdırıb. Ancaq külək şarı onun əlindən uçurub. Hacci deyir ki, şarı maşınla 2 saat təqib edib. Sonra isə təslim olmağa məcbur olub. Onun dediyinə görə, nişanlısı olanları eşidəndə çox qəzəblənib və yeni üzük alınmayana qədər onunla danışmayacağını bildirib. /zaman.az/