Bumeranq kosmosda da geri qayıdır
Bu, yapon avtronavtı Takao Doinin kosmosda keçirdiyi təcrübə sayəsində məlum
olub
Bumeranqın, yerin cazibə qüvvəsi olmayan mühitdə də atıldığı nöqtəyə geri
qayıtdığı aşkarlanıb. Beynəlxalq Kosmos Stansiyasındakı yapon avtronavtı Takao
Doi, atdığı üç qollu bumeranqın geri qayıtdığını bildirib. Yapon Kosmos
Təşkilatının spikeri, Doi keçirdiyi təcrübə sayəsində Avstraliya yerlilərinin
icad etdiyi bumeranqın kosmosdakı çəkisizlik şəraitində də öz oxu ətrafında
fırlanaraq başlanğıc nöqtəsinə qayıtdığını bildirib. Təcrübə ilə əlaqədar
görüntülərin bu yaxında ictimaiyyətə təqdim ediləcəyi bildirilib. Belə bir
təcrübənin keçirilməsini isə dünya bumeranq çempionu Yasuhiro Togai sifariş
vermişdi. /ANSPRESS/
