Çempionlar Liqasının püşkatması

UEFA Çempionlar Liqasında 1/4 mərhələsinin püşkü atılıb

İsverçərinin Nyon şəhərində keçirilmiş mərasimdə yarımfinala vəsiqə uğrunda mübarizə aparacaq komandalar məlum olunub

Ayın 14-də UEFA çempionlar liqasında 1/4 mərhələsinin püşkü atılıb. İsverçərinin Nyon şəhərində keçirilmiş mərasimdə Çempionlar Liqasının püşkünün müqəddəratını əfsanəvi qapıçı Renat Dassayev həll edib. O, səbətdən ilk olaraq «Arsenal» və «Liverpul» komandalarının adını çıxarıb.

İngiltərənin digər təmsilçisi «Mançester Yunayted» isə «Roma» ilə cari mövsümdə 3-cü dəfə üz-üzə gələcək. 3-cü cütlüyü isə Almaniyanın «Şalke» və İspaniyanın «Barselona» komandaları təşkil edib. Sonda Türkiyə çempionu «Fənərbaxça»nın 1/4 finalda «Çelsi» ilə qarşılaşacağı dəqiqləşib.

Aprelin 1-də və 2-də keçiriləcək ilk 1/4 final görüşlərində, «Arsenal», «Roma», «Şalke» və «Fənərbaxça» meydan sahibi olacaq. «Arsenal» «Liverpul» oyununun qalibi yarımfinalda «Fənərbaxça» ilə «Çelsi»nin qarşıdurmasında üstün olacaq tərəflə görüşəcək. «Şalke» ilə «Barsa»nın oyunundan yarımfinala adlayacaq klub isə ya «Roma» ilə, ya da «Mançester Yunayted»lə qarşılaşacaq. /ANS PRESS/