ÇL - 1/8 final - Çelsi, Roma və Şalke də növbəti mərhələdə

Çelsi futbol klubu UEFA Çempionlar Liqasının 1/4 final mərhələsinə çıxıb

İngilislər Yunanıstanın Olimpiakos klubunu məğlub edərək buna nail olublar

İngiltərənin Çelsi futbol klubu UEFA Çempionlar Liqasının 1/4 final mərhələsinə vəsiqə qazanıb. İngilislər bu uğura Yunanıstanın Olimpiakos klubunu məğlub etdikdən sonra imza atıblar. İlk dəqiqələrdən oyuna fəal başlıyan zadəganlar artıq matçın 5-ci dəqiqəsində hesabı açıblar. Lempardın cərimə meydançasına asmasından sonra Mixail Ballak başla topu Nikopolidisin qoruduğu qapıdan keçirib, 1-0. Lemonisin yetirmələri bir daha matçın 25-ci dəqiqəsində oyuna mərkəzdən başlamalı olublar. Bu dəfə Lempard özü rəqibi cəzalandırıb. Nikopolidis Ballakın zərbəsini dəf etsə də, Lempard qarşısında aciz qalıb, 2-0. Fasilədən sonra da oyunun senarisi dəyişməyib. Matç elə Çelsinin 3-0 hesablı qələbəsi ilə başa çatıb. Çelsi - Olimpiakos: 3-0 /ANS PRESS/

Portu və Şalkenin arasındakı oyunun əsas və əlavə vaxtı 1 - 0 hesabı ilə bitib.

Qolu 86-cı dəqiqədə Lisandro Şalkenin qapısından keçirib. İlk oyun 1 - 0 hesabı ilə Şalkenin xeyrinə bitdiyindən penalti zərbələrinə keçilib. Burada, Şalke daha dəqiq olub: 4 -1

Roma səfərdə Real Madridə 2 - 1 hesabı ilə qalib gələrək növbəti mərhələyə adlayıb.

Roma əvvəlcə Taddeinin qolu ilə 73-cü dəqiqədə irəli çıxıb. İki dəqiqə sonra Raul hesabı bərabərləşdirib. Vuçiniç 92-ci dəqiqədə Romanın qələbə topunu vurub.  

İnter - Liverpul matçı isə ayın 11-də keçiriləcək.