Bakıda kapeoyera döyüş növü üzrə Azərbaycan çempionatı keçirilir

Bu yarışın yekunlarına görə, beynəlxalq yarışlarda ölkəmizi təmsil edəcək heyət müəyyənləşəcək

Azərbaycan kapoeyraçıları yalnız idman kapoeyrası növündə bacarıqlarını nümayiş etdirirlər. Yəni, hər bir idmançı 4 növdə nəyə qadir olduğunu sübut etməlidir. Musiqinin templərinə əsasən, aşağı templi nümayiş anqola adlanır. Yüksək templə hərəkətlərə isə regional adı verilib. Akrobatik çıxışlardan sonra isə döyüş səhnəsi yaradılır. Döyüş səhnələri etüdlər üzərində qurulub. Məhz bu hərəkətlərin yekununa görə, hakimlər heyəti hər bir idmançıya qiymət verir.

Qeyd edək ki, özündə kunq-fu, cui-citsu, muay-tay, akrobatika və gimnastikanın elementlərini birləşdirən kapoeyra döyüşündə kontakt qadağan olunub. Kontakt yalnız kombat kapeoyrada mümkündür ki, bu növdə dünyanın heç bir yerində yarış keçirilmir. 1-ci Azərbaycan çempionatının iştirakçılara gəlincə, burada 12 şəhər və rayonu təmsil edən 100-ə qədər Kapoeyra ustası qalib adı uğrunda yarışır. Peşəkarlar arasında qaliblər 3, həvəskarlarda isə 4 yaş qrupu üzrə bəlli olacaq. Yarışın yekunlarına əsasən, beynəlxalq turnirlərdə Azərbaycanı təmsil edəcək yığma komandanın heyəti müəyyənləşəcək. /ANS PRESS/