«Azərbaycan kino ensiklopediyası» üzərində iş tamamlanmaq üzrədir

Səhifələrində kino tariximizin çoxşaxəli dövrlərini əhatə edəcək yeni «Azərbaycan kino ensiklopediyası» üzərində iş artıq tamamlanmaq üzrədir.

Mədəniyyət və Turizm Nazirliyinin dəstəyi ilə gerçəkləşəcək ensiklopediya Dövlət Film Fondunun nəzdində hazırlanır. «Azərbaycan kino ensiklopediyası»nın yaradılmasına hələ on il bundan əvvəl başlanılıb. Bunun üçün kinoşünaslar Rəhman Bədəlov, İmran Xəlilov və Aydın Kazımzadə tərəfindən «Azərbaycan kino ensiklopediyası» adlı redaksiya da təsis edilib. Burada həm dünya, həm də Azərbaycan kino xadimləri haqqında materiallar toplanıb. Amma milli kinomuza xidmət göstərən şəxsiyyətlər haqqında məlumatları axtarıb tapmaq kino mütəxəssislərimizin işini illərlə ləngidib. Yeni ensiklopediyanın bütün ağırlığı isə kinoşünas Aydın Kazımzadənin üzərinə düşüb.

Aydın Kazımzadə ensiklopediyanı 2008-ci ildə tam hazır vəziyyətdə çap etdirməyi qarşısına məqsəd qoyub. Artıq Azərbaycan əlifbasının hərfləri üzrə sıralanan ensiklopediyada cəmi 5-6 hərfi əhatə edən məlumatların yerləşdirilməsi qalıb:

Qeyd edək ki, yeni kinoensiklopediyada dünya kinematoqrafiyası ilə bağlı yalnız kino xadimləri, Azərbaycan kinosundan isə həm şəxsiyyətlər, həm də ölkədə mövcud olan kino təşkilatları haqqında məlumatlar tarixi ardıcılllıqla yer alacaq.


Sovet illəri dövründə ümumittifaq miqyasında Azərbaycan kinosunun tarixi barədə lüğətlər nəşr edilib. Ancaq uzun illərdən sonra Azərbaycan dilində kino ensiklopediyasının ərsəyə gəlməsini böyük hadisə kimi qiymətləndirmək lazımdır. /ANS PRESS/