Əli İsmayılov argentinalı Alexandro Alvaresi nokauta salıb

Əli İsmayılov argentinalı Alexandro Alvaresi nokauta salıb
 

Kikboksinq üzrə döyüşdə isə Eduard Məmmədov türkiyəli Şakir Kaymazı nokauta salıb

Peşəkar boksçumuz Əli İsmayılov Bakıda keçirilən turnirdə argentinalı Alexandro Alvaresi nokauta salaraq «wbo latino» kəmərini qoruyub.

Döyüşdən əvvəl İsmayılov Bakı publikası önündə qələbəsini nokautla qazanmaq arzusunu gizlətmirdi və arzusunu 9-cu raunda gerçəkləşdirib.

Kikboksinq üzrə «İnterkontinental» kəmər uğrunda döyüşdə də, nokaut qeydə alınıb və bunun müəllifi Eduard Məmmədov olub. O, türkiyəli Şakir Kaymazı nokauta salıb.

Avrotay kəməri uğrunda döyüşdə isə Nahid Əsədov qələbə əldə edib, xal hesabı ilə qırğız rəqibini üstələyib. Digər 3 döyüş isə reytinq xarakteri daşıyıb. Rail Rəcəbov rusiyalı Aleksandr Ramaşkonu, Araz İsmayılov Həsən Bəşirovu, Əli Məmmədov isə Bəhruz Babayevi məğlub edib. /ANS TV/