Sükan arxasında fleyta

 

Brüssel polisi sükan arxasında fleyta çalan bir sürücünü yaxalayıb.

Brüssel polisindən verilən məlumata görə, sürücü sükan arxasında iki əli ilə fleyta çalarkən yaxalanıb. Üstəlik, onun “idarə etdiyi” yük maşını böyük sürətlə hərəkət edirmiş. Belçikalı sürücü polislərə verdiyi ilk ifadədə bunun ilk hadisə olmadığını, necə deyərlər, artıq sükan arxasında fleyta çalmağa adət etdiyini bildirib. Çox güman ki, sürücü bu hərəkətinə görə böyük cərimə ödəməli olacaq. /zaman.az/