Edisonun lampası 2010-cu ildə qadağan ediləcək

Edisonun lampası 2010-cu ildə qadağan ediləcək

Avstraliyanın ekologiya naziri qlobal istiləşmə ilə mübarizə apamaq üçün luminiset lampalarından istifadə edəcəklərini bildirib

Avstraliya Tomas Edisonun icad etdiyi klassik elektrik lampalarını 2010-cu ildən qadağan edəcəyini bildirib. Avstraliyanın ekologiya naziri Malkom Trumbal qlobal istiləşmə ilə mübarizə apamaq üçün ancaq luminiset lampalarından istifadə edəcəklərini bildirib və bütün dünyanı da bu addımı atmağa çağırıb. Trumbal, “əgər bütün dünyada klassik lampadan istifadə etmək qadağan edilsə çox böyük ölçüdə elektrik enerjisinə qənaət edilmiş olar” – deyib.

Qeyd edək ki, klassik lampalar elektrik enerjisinin 10 faizini işıq, 90 faizini isə istilik enerjisinə çevirir. Bütün dünyada klassik lampaların istifadəsi dayandırılsa ildə 320 milyon kilovat saat elektrik enerjisinə qənaət edilər, 160 milyon ton karbondioksid qazının yayılmasının qarşısı alınar.

Avropa birliyi bu mövzuda Avstraliyaya dəstək verir. /ANS PRESS/