www.thevotenation.com saytı "Dünyanın ən çox
sevilən ölkəsi" adlı musabiqə keçirir. Gilavar-ın məlumatına görə, müsabiqəyə bütün
dünya ölkələri qoşulub. Azərbaycanın dünyanın ən çox sevilən ölkəsi olması üçün
həmin sayta daxil olub səs vermək lazımdır.



Hər kəsin üç səs hüququ var. Hər 6 saatdan bir səs vermək mümkündür.
Azərbaycanın dünyanın ən çox sevilən ölkəsi seçilməsi üçün sayta daxil olub,
“Azerbaijan” sözünün qarşısındakı "like" xanasını işarələmək və "vote"
funksiyasını vurmaq lazımdır. Səsvermə 2007-ci il yanvarın 1-də başa çatacaq.

Dekabrın
26-da axşamdan başlayaraq dekabrın 28-i gündüz saatlarına qədər ölkə ərazisində
hava şəraiti yenidən kəskin pisləşəcək.



Bu barədə APA-ya Ekologiya və Təbii Sərvətlər Nazirliyinin (ETSN) Milli
Hidrometeorologiya Departamentinin hidrometeoroloji proqnozlar bürosunun rəhbəri
Umayra Tağıyeva məlumat verib. U. Tağıyeva bildirib ki, bu müddət ərzində ölkə
ərazisində güclü şimal küləyi əsəcək. Bəzi ərazilərdə küləyin sürəti saniyədə
25-33 mm-ə çatacaq. Bununla bağlı müvafiq qurumlara xəbərdarlıq edildiyini deyən
U. Tağıyeva 26-28 dekabr tarixlərində havanın temperaturunun düşəcəyini, sulu
qar və qar yağacağını açıqlayıb. Dekabrın 27-də gündüz saatlarında Bakıda və
Abşeron yarımadasında 0-2 dərəcə şaxta olacaq. /APA/