Şərab

1)      Şərabın beyinə təsirləri:

Spirtli içkilər beyin hüceyrələrinə və neyronlara təsir edərək, onları fəaliyyətdən saxlayır. Bir çox hallarda beyindəki nazik damarların partlamasına, qanın laxtalanmasına səbəb olub normal qan dövranının qarşısını aldığına görə, infarkta gətirib çıxarır. Bəzi hallarda isə beyində əzələlərin yığılmasına, şişlərə və qan təzyiqinin yaranmasına səbəb olur. Bu da bədən üzvlərinin iflic vəziyyətinə düşməsilə nəticələnir.

2)      Spirtli içkilərin ürəyə təsiri:

Spirtli içkilər qan dövranını pozduğuna görə, tədricən orqanizmdə maddələr mübadiləsini  və hüceyrələrin qidalanması prosesini ləngidir. Ürəyin ətrafında piylər əmələ gətirir, bu isə onun şişinin ağırlaşmasına səbəb olur. Ürəyin həcmi artaraq döyüntüləri zəifləyir. Odur ki, spirtli içkilərə aludə olanların nəbzi yavaş vurur, bəzən isə anormal olur.

3)      Mədəyə təsiri:

Spirtli içkilər dilin hissiyatını və dadbilmə üzvünü təsirdən salıb ağız şirəsini azaldır və onu normal haldan çıxarır. Habelə, mədə vəzilərinə ziyan vurur, mədə şirəsinin turşuluğunu azaldır, həzm yollarının bağlanması ilə, çox hallarda bəlğəm yaxud qan laxtaları ilə qarışıq olan qusmaya səbəb olur. Eləcə də mədə və bağırsaqlarda müxtəlif xəstəliklər törədir. Mədənin həddən artıq genişlənməsinə, bağırsaqlarda qaşınmaya, həzm sistemində iltihabın yaranmasına səbəb olur. Həmçinin, yoğun bağırsağa xəsarət nəticəsində güclü ishal yaxud ifrazatın qarşısının alınması kimi xəstəliklər, spirtli içki aludəçilərinə ciddi xəbərdarlıq edir.

4)      Ağıl qüvvəsinə təsiri:

Spirtli içkilər dəliliyin əsas amillərindəndir. Psixi xəstəxanalardakı faktlar göstərir ki, dəlilərin əksəriyyəti ömürlərinin çox hissəsini şərab içməklə keçirənlərdir. Fransada təbiblərin apardığı araşdırmalarda 200 min nəfərin spirtli içkilər nəticəsində dəli olduğu məlum olmuşdur.

5)      İnsan nəslinə təsiri:

Almaniyalı həkimlərdən biri sübut etmişdir ki, spirtli içkilərin acınacaqlı təsiri, hətta onlardan istifadə etməyən üç nəslə qədər davam edir.

Spirtli içkilərə qurşanan şəxslərin nəsli azalaraq, kəsilmək təhlükəsi ilə qarşılaşır. Amerikalı alim, doktor Nalin deyir: “Bir sağlam kişidən 11 sağlam övlad törəyə bildiyi halda spirtli içkiyə qurşanan şəxsdən 1-3 nəfər belə sağlam övlad törəmir. Doğulan övladlar da müxtəlif ruhi və fiziki xəstəliklərə, o cümlədən, infarkt, əsəbilik, dəlilik, ağıl qüvvəsinin qeyri-normal inkişafı, qan azlığı və digər xəstəliklərə düçar olurlar.

Spirtli içkilərin böyrəklərə, tənəffüs orqanlarına, qaraciyərə, əsəb sisteminə, qan dövranına və digər orqanlara da mənfi təsiri vardır.

 

Şərabın Quranda haram edilməsi

 

“Ey iman gətirənlər! Şərab da, qumar da, bütlər də (yaxud qurbanlıq üçün qoyduğunuz daşlar), püşk atmaq (fal oxları) üçün nəzərdə tutduğunuz çubuqlar da Şeytan əməlindən olan murdar və çirkin şeylərdir (əməldir). Bunlardan çəkinin ki, bəlkə nicat tapasınız! Şübhəsiz ki, Şeytan içki və qumar vasitəsi ilə aranızda ədavət və kin salmaq, sizi Allahı yada salmaqdan və namaz qılmaqdan ayırmaq, qafil etmək istər. Yenə də bu işə son qoymayacaqsınızmı?” (Maidə surəsi, ayə 90, 91)

 

Şərab Rəsulullah (s)  hədislərində

 

Peyğəmbər (s) buyurur: “ Şərab içən şəxs, Qiyamıt günü üzü qara, ağzı əyilmiş, dili ağzından çölə çıxmış və susuzluqdan fəryad edən halda məhşərə gələcəkdir. Ona zinakarların çirki axıb tökülən quyudan su içirəcəklər”.

Həmçinin yenə buyurur: “And olsun Allaha! Namazı yüngül sayanlar və məstedici mayelər içənlər mənim şəfaətimə nail olmazlar”.

Həzrət Rəsul (s) başqa bir hədisdə buyurur: “Allah şərab ilə əlaqədar 10 dəstə adamı lənətləmişdir: (Şərab çəkmək məqsədi ilə) üzüm kolu əkəni, onu qoruyanı, üzümü sıxıb suyunu çıxardanı, onu içəni, şərabı camlara süzəni, onu daşıyanı, daşıyanlardan təhvil alanı, pulla alanı, satanı və pulunu əldə edən şəxsləri”.

 

Şərab bütün günahların anasıdır

 

İmam Cəfər Sadiq (ə) buyurur: “Şərab içmək bütpərəstliklə bərabərdir. O, (şərab içən şəxs) Qiyamətdə kafir kimi diriləcəkdir. Şərab bütün günahların əsasıdır”.

Yenə o Həzrət deyir: “ Şərab içən şəxs susuz ölər, susuz qəbirdən qalxar və susuz halda Cəhənnəmə gedər”.

 

Şərab içən şəxsin Allahdan qorxusu olmaz

 

Həzrət Əlidən (ə) soruşdular: “Siz şərab içməyi oğurluq və zinadan da pis hesab edirsinizmi?”

Buyurdu: “Bəli, zina edən şəxs ola bilsin ki, başqa günahlar etməsin, lakin şərab içən şəxs, şərab içən (və sərxoş olan) kimi zina da edər, adam da öldürər, namazı da tərk edər”.

İmam Cəfər Sadiq (ə) buyurur: “ Şərab bütün günahların başıdır və onu içən şəxsə hər növ şərin çatmasına səbəb olur. Şərab, onu içən şəxsin ağlını alır və həmin halda o, Allahı tanımır, qabağına çıxan bütün günahları edir. Onun  özünün iffətə zidd olan əməlindən heç bir qorxusu yoxdur”.

Məlum olur ki, şərab içməyin haram olması Quranda və Peyğəmbər (s) sünnəsində qəti məsələlərdən, zəruri hökmlərdəndir. Deməli, əgər bir şəxs onu dində halal etsə, kafirdir.

 

Tövrat və İncildə şərabın haram olması

 

Hazırki Tövrat və İncildə olan bir çox təhriflərə rəğmən, onlarda  spirtli içkilərin haram edilməsi nəzərə çarpır. Belə ki, “İshaq”ın 31-32-ci ayələrində deyilir: “Şərab qırmızı olanda, öz həyat rəngini camlarda zahir edərək saf, şəffaf və yumşaq olur. Ona baxma, çünki axırda ilan kimi insanı sancır, əfilər kimi insanı dişləyir”.

Puls kitabında (5-ci bölmə, 18-ci ayə) belə yazılıb: “Şərab məsti olmayın ki, onda fəsad vardır!”

 

Şərabın az və ya çox, xalis yaxud qarışıq olması arasında heç bir fərq yoxdur

 

Şərab içməyin qadağan və haram olması hökmündə onun az və ya çox, habelə, xalis yaxud başqa şeylə qarışıq olması arasında heç bir fərq yoxdur. Belə ki, bir damcı şərab su ilə dolu qaba düşsə, onun içilməsi haram sayılır.

Bəclinin nəql etdiyi səhih hədisdə İmam Cəfər Sadiq (ə) belə buyurur: “Məst edən hər bir şeyin azı da haramdır”. Bir nəfər soruşdu: ”Onun üzərinə o qədər su tökürəm ki, məstedicilik təsiri aradan gedir”. İmam buyurdu: ”Yox, belə deyildir! Su Allahın haram buyurduğunu necə halal edə bilər?! Allahdan qorx və onu içmə!”

 

Şərab içilən süfrədə oturmaq olmaz

 

Şərab qoyulan və içilən süfrə başında oturmaq, hətta şəxsin özü ondan içməsə belə, haramdır. Bir sözlə, belə süfrənin başında əyləşib yemək haramdır.

İmam Cəfər Sadiq (ə) buyurur: “Allaha və Qiyamət gününə iman gətirən şəxs şərab içilən süfrə başında oturmamalıdır”.